ה א כִּי כָל-כֹּהֵן גָּדוֹל הַמּוּרָם מִבְּנֵי אָדָם נוֹעַד לַעֲמֹד לִפְנֵי אֱלֹהִים בְּעַד בְּנֵי אָדָם לְהַקְרִיב מִנְחָה וָזֶבַח עַל-חַטֹּאתָם׃ ב וְהוּא מוּכָן לְהַרְגִּיעַ רִגְשַׁת נַפְשׁוֹ לְשֹׁגְגִים וּלְתֹעִים כִּי גַם-הוּא אֵין מְתֹם בִּבְשָׂרוֹ מִכַּף-רֶגֶל וְעַד-רֹאשׁ׃ ג בַּעֲבוּר זֹאת הָיָה עלָיו לְהַקְרִיב בְּעַד חַטַּאת נַפְשׁוֹ כְּמוֹ בְעַד הָעָם׃(ויקרא ט' ז') ד וְלֹא יִקַּח אִישׁ אֶת-הַכָּבוֹד הַזֶּה לְנַפְשׁוֹ כִּי אִם-אֶת-אֲשֶׁר יִבְחַר-בּוֹ הָאֱלֹהִים כְּאַהֲרֹן׃(שמות כח' א') ה כֵּן גַּם-הַמָּשִׁיחַ לֹא הִתְנַשֵּׂא מִנַּפְשׁוֹ לִהְיוֹת כֹּהֵן גָּדוֹל כִּי אִם-עַל-פִּי הָאֹמֵר אֵלָיו בְּנִי אַתָּה אֲנִי הַיּוֹם יְלִדְתִּיךָ׃(תהילים ב' ז') ו וְכַאֲשֶׁר אָמַר גַּם-בְּמָקוֹם אַחֵר אַתָּה-כֹהֵן לְעוֹלָם עַל-דִּבְרָתִי מַלְכִּי-צֶדֶק׃(תהילים קי' ד') ז אֲשֶׁר בִּימֵי מְגּוּרָיו בִּבְשָׂרוֹ הִקְרִיב תְּפִלּוֹת וְתַחֲנוּנִים בְּקוֹל שַׁוְעָתוֹ וְדִמְעָתוֹ לִפְנֵי שַׂגִּיא כֹחַ יְחַלְּצֶנּוּ מִמָּוֶת וַיֵּעָתֵר-לוֹ עֵקֶב יִרְאָתוֹ׃(תהילים כב' כה') ח וְאַף בִּהְיוֹתוֹ בֵן לֻמַּד בְּסִבְלֹתָיו לִשְׁמֹעַ בְּקוֹל מְצַוֶּה׃(ישעיהו נ' ה') ט וּבְהִמָּצְאוֹ שָׁלֵם הָיָה לְכָל-שֹׁמְעָיו לִמְקוֹר תְּשׁוּעַת עוֹלָמִים׃(ישעיהו מה' יז') י וּפִי אֱלֹהִים יִקֳּבֶנּוּ כֹּהֵן גָּדוֹל עַל-דִּבְרָתִי מַלְכִּי-צֶדֶק׃(***) יא עַל-זֶה יֶשׁ-לָנוּ הַרְבֵּה לְדַבֵּר וְדֵי-בָאֵר כָּבֵד מִמֶּנּוּ בִּהְיוֹתְכֶם עַרְלֵי-אֹזֶן׃ יב כִּי תַחַת אֲשֶׁר הָיָה עֲלֵיכֶם לִהְיוֹת מוֹרִים בְּרֹב הַיָּמִים נָחוּץ הַדָּבָר עַתָּה לָשׁוּב לְחַוֹּת דַּעַת לָכֶם מָה הֵמָּה אַבְנֵי פִנָּה בְּתוֹרַת אֱלֹהִים וּנְכֹנִים אַתֶּם לְחָלָב וְלֹא לְלֶחֶם שָׁמֵן׃ יג כִּי כָל-מִי אֲשֶׁר חָלָב מְזוֹנוֹ אֵין לוֹ דֵעָה בְדִבְרֵי צֶדֶק כִּי עוֹלֵל הוּא׃ יד וְלֶחֶם שָׁמֵן לִשְׁלֵמִים אֲשֶׁר הַסְכֵּן הִסְכִּינוּ בִּבְחִינַת לִבּוֹתָם לְהַבְדִּיל בֵּין-טוֹב לָרָע׃(מלכים א', ג' ט')