י א כִּי הַתּוֹרָה אֲשֶׁר בָּהּ רַק צֵל טֹבוֹת הָעֲתִידוֹת וְלֹא פְנֵי עֶצֶם הַטֹּבוֹת הָהֵנָּה אֵין בְּכֹחָהּ לְהָכִין שָׁלֵם לַנִּגָּשִׁים בַּזְּבָחִים הָאֵלֶּה אֲשֶׁר יַקְרִיבוּ תָמִיד שָׁנָה בְשָׁנָה׃ ב כִּי אִם-לֹא-כֵן הֲלֹא יֶחְדְּלוּ מֵהַקְרִיבָם עוֹד כִּי אַחֲרֵי אֲשֶׁר הִטַּהֲרוּ הָעֹבְדִים פַעַם אַחַת אֵין לָהָם עוֹד מַחְשֶׁבֶת הַחֵטְא׃ ג אוּלָם בַּקָּרְבָּנוֹת הָאֵלֶּה יֶשׁ-זֵכֶר לַחֲטָאִים שָׁנָה בְשָׁנָה׃(ויקרא טז' לד') ד כִּי אֵין בְּדַם פָּרִים וּשְׂעִירִים לִנְשׂא חֲטָאִים׃(מיכה ו' ו'-ז'; ירמיהו יא' טו') ה עַל-כֵּן בְּבֹאוֹ אֶל-תֵּבֵל אַרְצָה אָמָר זֶבַח וּמִנְחָה לֹא חָפַצְתָּ גּוּף כּוֹנַנְתָּ לִּי׃ ו עוֹלָה וַחֲטָּאָה לֹא שָׁאָלְתָּ׃(תהילים נא' יח') ז אָז אָמַרְתִּי הִנֵּה-בָאתִי בִּמְגִלַּת-סֵפֶר כָּתוּב עָלָי לַעֲשׂוֹת רְצוֹנְךָ אֱלֹהָי׃(תהילים מ' ז'-ט') ח בְּאָמְרוֹ מֵרֹאשׁ זֶבַח וּמִנְחָה וְעוֹלָה וַחֲטָאָה לֹא חָפַצְתָּ וְלֹא שָׁאָלְתָּ וְהֵם הֵמָּה הַמּוּבָאִים לְפִי הַתּוֹרָה׃ ט אָז יֹאמַר הִנֵּה-בָאתִי לַעֲשׂוֹת רְצוֹנְךָ (***) הֵסִיר אֶת-הָרִאשֹׁנָה לְמַעַן הָקֵם אֶת-הַשְּׁנִיָּה׃ י וּבָרָצוֹן הַזֶּה אָנוּ מִתְקַדְּשִׁים בְּקָרְבַּן נֶפֶשׁ יֵשׁוּעַ הַמָּשִׁיחַ אֲשֶׁר הִקְרִיב פַּעַם אֶחָת׃ יא וְכָל-כֹּהֵן עֹמֵד לְשָׁרֵת יוֹם יוֹם וּלְהַקְרִיב פְּעָמִים שֹׁנוֹת אֶת-הַזְּבָחִים הָהֵמָּה אֲשֶׁר אֵין בָּם מֵעוֹלָם לְכַפֵּר עַל-חֲטָאִים׃(שמות כט' לח'//***) יב אֲבָל הוּא הִקְרִיב זֶבַח אֶחַד עַל-הַחֲטָאִים וַיֵּשֶׁב לִימִין אֱלֹהִים עַד-עוֹלָם׃(תהילים קי' א') יג וּמֵאָז הוּא מְיַחֵל עַד-יוּשְׁתוּ אֹיְבָיו הֲדֹם לְרַגְלָיו׃(***) יד כִּי בְקָרְבָּן אֶחָד הִשְׁלִים אֶת-הַמְקֻדָּשִׁים עַד-עוֹלָם׃ טו וְגַם-רוּחַ הַקֹּדֶשׁ יָעֶד-לָנוּ כָזֹאת כִּי אַחֲרֵי אָמְרוֹ׃ טז זֹאת הַבְּרִית אֲשֶׁר אֶכְרֹת אִתָּם אַחֲרֵי הַיָּמִים הָהֵם נְאֻם-יְהוָֹה נָתַתִּי אֶת-תּוֹרָתִי בְּקִרְבָּם וְעַל-לִבָּם אֶכְתֳּבֶנָּה׃(ירמיהו לא' לב'-לג') יז יוֹסִיף יֹאמַר וְלַעֲוֹנָם וּלְחַטָּאתָם לֹא אֶזְכָּר-עוֹד׃(***) יח וּבַאֲשֶׁר יֶשׁ-שָׁם סְלִיחָה לָאֵלֶּה אֵין מָקוֹם לְקָרְבָּן עָל-הַחֵטְא׃ יט עַל-כֵּן אֶחָי בִּהְיוֹת לָנוּ בִטָּחוֹן לָבֹא אֶל-הַקֹּדֶשׁ בְּדַם יֵשׁוּעַ׃ כ אֲשֶׁר חָנַךְ מְסִלָּה חֲדָשָׁה לָנוּ מְסִלַּת חַיִּים דֶּרֶךְ הַפָּרֹכֶת אֲשֶׁר בְּשָׂרוֹ הוּא׃ כא וּבִהְיוֹת לָנוּ כֹּהֵן גָּדוֹל עַל-בֵּית הָאֱלֹהִים׃(זכריה ו' יג') כב נִגְּשָׁה בְּלֵב שָׁלֵם וּבֶאֱמוּנָה אֹמֶן מְטֹהָרִים מֵרַעְיוֹן רָע בְּלִבֵּנוּ אֲשֶׁר זֹרַק עָלָיו וּבְשָׂרֵנוּ אֲשֶׁר רֻחַץ בְּמַיִם טְהוֹרִים׃(שמות כט' ד') כג וְנִשְׁמֹר הֵיטֵב שְׁבוּעַת פִּינוּ עַל-דְּבַר תִּקְוָתֵנוּ וְלֹא נֶרֶף כִּי נֶאֱמָן הוּא הַמַּבְטִיחַ׃ כד וְנִתְבּוֹנְנָה אִישׁ אֶל-רֵעֵהוּ לְהִתְעוֹרֵר לְאַהֲבָה וּלְמַעֲשִׂים טוֹבִים׃ כה וְלֹא נֶחְדַּל מִבֹּא אֶל-קְהִלָּתֵנוּ כְּדֶרֶךְ אֲנָשִׁים אֲחָדִים מִכֶּם כִּי אִם-נוֹכִיחַ אִישׁ אֶת-עֲמִיתוֹ וּמַה גַּם-בִּרְאֹתְכֶם כִּי-קָרוֹב הַיּוֹם׃ כו כִּי אִם-נֶחְטָא בְזָדוֹן אַחֲרֵי אֲשֶׁר קָנִינוּ דַעַת הָאֱמֶת לֹא-יִשָּׁאֶר עוֹד קָרְבָּן עַל-חַטָּאתֵנוּ׃ כז כִּי אִם-מָגוֹר מִפְּנֵי מִשְׁפָּט הַצָּפוּי וְאֵשׁ קִנְאָה אֲשֶׁר תֹּאכַל צָרִים׃(מלאכי ג' יט') כח הָעֹבֵר תּוֹרַת משֶׁה יוּמַת בְּלִי-חֶמְלָה עַל-פִּי שְׁנַיִם אוֹ-שְׁלשָׁה עֵדִים׃(דברים יט' טו') כט הִתְבּוֹנְנוּ-נָא מַה-נּוֹרָא הָעֹנֶשׁ אֲשֶׁר יוּשַׁת עַל-רֹמֵס בֶּן-אֱלֹהִים וּמְטַמֵּא דַם בְּרִית אֲשֶׁר נִקְדַּשׁ בּוֹ וּמְגַדֵּף רוּחַ נְדִיבָה׃ ל כִּי-יָדַעְנוּ מִי הוּא הָאֹמֶר לִי נָקָם אֲנִי אֲשַׁלֵּם אָמַר יְהוָֹה וְאֹמֵר עוֹד כִּי יָדִין יְהוָֹה עַמּוֹ׃(דברים לב' לה'-לו'; תהילים קלה' יד') לא מַה-נּוֹרָא לִנְפֹּל בְּיַד אֱלֹהִים חַיִּים׃(דברים לב' לט'-מא') לב זִכְרוּ-נָא יָמִים מִקֶּדֶם כַּאֲשֶׁר אֹרוּ עֵינֵיכֶם וְשׁוֹט שׁוֹטֵף צָרָה עָבַר עֲלֵיכֶם׃ לג פַּעַם הֱיִיתֶם לְרַאֲוָה מֵעֹנִי וְקֶלֶס וּפַעַם דָּאֲבָה נַפְשְׁכֶם לְסִבְלוֹת אֲחֵיכֶם כָּכֶם׃ לד כִּי נִכְמְרוּ רַחֲמֵיכֶם אֶל-מוֹסֵרָי וְהוֹנְכֶם הַגָּזוּל מִכֶּם הִנַּחְתֶּם בְּטוּב-לֵב בְּדַעְתְּכֶם כִּי קִנְיָן גָּדוֹל מִזֶּה יֶשׁ-לָכֶם בַּשָּׁמַיִם הָעֹמֵד לָעַד׃ לה עַל-כֵּן אַל-תַּשְׁלִיכוּ מִבְטַחֲכֶם כִּי שְׂכָרוֹ הַרְבֵּה מְאֹד׃ לו וְכִי גַם-הַתּוֹחֶלֶת נְכוֹנָה לָכֶם בַּעֲבוּר אֲשֶׁר תַּעֲשׂוּ רְצוֹן אֱלֹהִים וְתַשִּׂיגוּ אֵת אֲשֶׁר-דִּבֵּר לָכֶם׃ לז כִּי עוֹד מְעַט-רָגַע וְהַבָּא יָבֹא לֹא יְאַחֵר׃ לח וְצַדִּיק בֶּאֱמוּנָתוֹ יִחְיֶה וְאִם-יִסֹּג אָחוֹר לֹא-תִרֶץ נַפְשִׁי בּוֹ׃(חבקוק ב' ג'-ד'; צפניה א' ד'-ו') לט וַאֲנַחְנוּ אֵינֶנּוּ מִן-הַנְּסוֹגִים אָחוֹר לַאֲבַדּוֹן כִּי אִם-מִבְּנֵי אֱמוּנָה לְהַצִּיל אֶת-הַנָּפֶשׁ׃